4 Bedroom House for sale in Kranspoort

Sien u kans om 'n bouprojek oor te koop en te voltooi? 'n Projek om aan te pak na eie smaak, keuse van afwerking en hierdie bouprojek te omskep in 'n pragtige woonhuis met 4 slaapkamers, 4 en-suite badkamers, 'n groot oopplan kombuis met aparte opwasarea, 'n familie kamer, onthaalarea, eetkamer, swembad en boma area met 'n dubbel motorhuis. Die uitsig vanaf die leefarea en onthaalarea is pragtig, en sodra die bos weer lowergroen draai na die reen, gaan hier heerlik geswem en gekuier word in Kranspoort se warm Somers. Groot gedeeltes van die projek is reeds betaal en sal al die nodige dokumentasie en goedgekeurde planne aan die koper oorhandig word om die projek te voltooi. Kranspoort is enig en uniek in soort en die Kranspoort leefstyl word al hoe meer gewild. Kranspoort is bekend vir sy veiligheid, vriendelike mense, rustige omgewing en goeie instandhouding en beheer deur die Kranspoort Eienaars Komitee. Kranspoort is beslis 'n plek waar mens kan asem haal en ontspan, weg van die dolle gejaag van die lewe buite hierdie beskermende area met wildsheining. Beheerde sekuriteitstoegang verseker dat inwoners hier veilig voel, en goeie instandhouding en beheer maak die lewe in Kranspoort absoluut gemaklik, Kranspoort bied u soveel meer as net 'n beskermende woongebied. Met die 9 putjie gholfbaan, jukskei bane, markdae, 4x4 roetes en staproetes, voeluitkyk punt en piekniek plekke sowel as speelplek vir kinders en braaigeriewe by die Raasblaar saal, is hier meer as genoeg om te doen. Kinders kan hier, sonder bekommernis van ouerkant, die bos gaan verken en op hul fietse klim en die dorp invaar. Kontak my gerus vir meer inligting.