3 Bedroom House for sale in Mookgopong

Voltitel-huis in gewilde gholfpark – geen levies! Veilig, netjies, modern en uitstekend toegerus met sonkrag en watersekerheid! Hierdie pragtige, goed onderhoude voltitel-huis in die gewilde Gholfpark, Mookgophong, bied ’n rustige en veilige leefstyl. Die kompleks is dierevriendelik, het beheerde toegang en geen maandelikse levies nie – slegs ’n hekfooi van R300 per maand. Die woning bied 3 slaapkamers en 2 badkamers, met die badkamers onlangs volledig oorgedoen en nuwe koperpype geïnstalleer. Die hoofslaapkamer beskik oor ’n en-suite badkamer. Die huis het ’n oopplan sit- en eetkamer, ’n moderne en praktiese kombuis met ’n elektriese stoof, asook ’n ekstra naaldwerkkamer wat ook as kantoor, stokperdjiekamer of sonkamer gebruik kan word. Geniet uitstekende water- en kragvoorsiening met: - 1 x 2 200L-watertenk met drukpomp - 2 x 5 000L reënwatertenks - 6 sonpanele - 5.2 kVA battery - Inverter Buite bied die eiendom ’n mooi versorgde tuin met besproeiing, grasperk, groentetuin, voor- en agterstoep, ingeboude braai en ’n pragtige uitsig. Die eiendom beskik oor ’n dubbelmotorhuis met elektriese deure, ’n afdak vir nog 2 voertuie en praktiese rakke in die motorhuis vir ekstra berging. ’n Huis waar veiligheid, privaatheid, moderne geriewe, watersekerheid en sonkrag alles bymekaar kom – sonder groot maandelikse heffings! Ideaal vir aftrede, ’n klein gesin of enige koper wat op soek is na ’n rustige en veilige woning. Kontak ons vandag nog om ’n besigtiging te reël – hierdie eiendom moet jy sien!