3 Bedroom House for sale in Kranspoort

Hierdie houthuis in Kranspoort is aangrensend tot die groenstrook area en voel of dit omring is deur bos met die mooiste uitsig. Die woning bied u twee slaapkamers op die boonste vlak en 'n volledig woonstel op die onderste vlak, kompleet met kombuis, sitkamer, slaapkamer en badkamer met stort, wasbak en toilet. Die boonste vlak met sy twee ruim slaapkamers het albei en-suite badkamers, ook toegerus met 'n stort, wasbak en toilet. Die woonvertrek se sitkamer en kombuis is oopplan en daar is 'n eiland met sitplek vir 6. Die woonstel onder op grondvlak het 'n slaapkamer, oopplan kombuis en leefarea en 'n badkamer met stort, wasbak en toilet. Die groot boma met sy braai en kuier area is gesellig naby die swembad en hier kan heerlik in privaatheid gekuier word, omring deur die natuurlike bosomgewing. Daar is parkering vir gaste en dan ook onderdak oop parkering vir twee voertuie onder die woonhuis in. Kranspoort is enig en uniek in soort. 'n Plek waar mens kan asem haal van die dolle gejaag van die lewe buite hierdie beskermende area met wildsheining. Beheerde sekuriteitstoegang verseker dat inwoners hier veilig voel, en goeie instandhouding en beheer maak die lewe in Kranspoort absoluut gemaklik, Kranspoort bied u soveel meer as net 'n beskermende woongebied. Met die 9 putjie gholfbaan, disk gholf, jukskei bane, markdae, 4x4 roetes en staproetes, voeluitkyk punt en piekniek plekke sowel as speelplek vir kinders en braaigeriewe by die Raasblaar saal, is hier meer as genoeg om te doen. Kinders kan in Kranspoort, sonder bekommernis van ouerkant, die bos gaan verken en op hul fietse klim en die dorp invaar. Kontak my gerus vir 'n afspraak om hierdie woning te besoek.