3 Bedroom House for sale in Kranspoort

Hierdie pragtige woonhuis in Kranspoort bied u 3 ruim slaapkamers met 2 badkamers waarvan die hoofslaapkamer en-suite is. Beide badkamers is toegerus met 'n groot bad, stort, wasbak en toilet waarvan die hoofslaapkamer 'n dubbel wasbak het. Daar is 'n aparte opwasarea en die kombuis se agterdeur stap gemaklik uit na 'n parkeerarea vir wanneer u die woning op een vlak wil ingaan. Vanuit die oopplan leefarea met kombuis, sitkamer en eetkamer stap u gerieflik uit op die reuse groot onthaalarea/veranda met 'n ingeboude braai, genoeg pakplek en 'n pragtige swembad. Netjies afgewerk met hout, alliminium en glas reelings. Vanuit hierdie groot onthaalarea kyk u uit oor die pragtige tuin met sy Koorsbome en u het 'n pragtige uitsig oor die Kranspoort dorp. Die huis is toegerus met 'n alarmsisteem, 'n solarsisteem met 'n 5KW omskakelaar en twee lithium batterye, 'n kragopwekker en 'n water lugverkoelingsisteem regdeur die huis. Die dubbel motorhuis is elektries en daar is 'n werkskamer/pakkamer en geriewe. 'n Addisionele dubbel motorhuis/werkskamer verseker dat daar genoeg pak en bereplek is vir 'n man wat dit geniet om in die motorhuis te werskaf. Daar is baie netjiese plaveisel en 'n lae onderhoudstuin. Kranspoort is gelee op die N11 tussen Middelburg en Groblersdal en 'n klipgooi van die gewilde Loskopdam en reservaat. Hier loop wild tussen die woonhuise rond en kan kinders met fietse in strate gaan ry of die bosveld omgewing verken sonder enige bekommernis van ouer kant. Kranspoort bied aan inwoners 4x4 roetes, staproetes, 'n 9 Putjie gholfbaan, Diskgolf, 'n klubhuis waar etes bestel kan word, meer as een restaurant in die omgewing, 'n gemeenskapskerk, drankwinkel en Kudu Mini Market, Mossienes Kwekery en dan ook Moot Stooreenhede en Die Moot Restaurant oorkant die hoofingang van Kranspoort. Kom besoek gerus Kranspoort en geliewe my asb te skakel vir 'n afspraak om hierdie pragtige woning vir u te gaan wys.