3 Bedroom House for sale in Kranspoort

ALLEENMANDAAT: As jy opsoek is na 'n huis waar jy die bos om jou wil ervaar, is hierdie die ideale woonhuis vir jou. Voeg dan daarby baie aangename bure en 'n pragtige omgewing, en jy het 'n wenpakket. Op die erf is reuse groot bome en die tuin het lae onderhoud. Vanaf die stoeparea kyk u uit op die groot tuin en aangrensende parkland area Die woning is besonders ruim en op inloopvlak is die groot kombuis met 'n aparte opwaskamer, 'n baie groot sit- en-eetkamer wat uitstap op 'n ekstra leefvertrek of sonkamer en hierdie stap weer uit op 'n lieflike onthaalarea met ingeboude braai waar jy uitkyk op die pragtige mooi bosveld omgewing. . Daar is 2 ekstra grootte slaapkamers met en-suite volledige badkamers toegerus met 'n bad, stort, wasbak en toilet. Albei die ruim kamers het meer as genoeg ingeboude kaste en genoeg pakplek. Onder die hoofhuis is 'n aparte woonstel met 'n kombuis, leefarea en 'n groot slaapkamer wat 1 dubbelbed en 2 enkelbeddens in het, en 'n badkamer met wasbak, toilet en stort. Daar is 'n dubbel motorhuis met ekstra werkspasie en ekstra onderdak parkering met 'n werks/stoorkamer. Die swembad is netjies omhein vir veiligheid asook 'n pragtige boma area in die bos waar groot bosveldvure en gesellige kuiers saam met kinders, kleinkinders en vriende blywende herinneringe sal verseker. Daar is ook buitegeriewe. Wild in hierdie area is volop en met die aangrensende parkland area as uitsig, kan dit nie anders as rustig en vreedsaam in hierdie huis en omgewing nie. Kranspoort is enig en uniek in soort. 'n Plek waar mens kan asem haal van die dolle gejaag van die lewe buite hierdie beskermende area met wildsheining. Beheerde sekuriteitstoegang verseker dat inwoners hier veilig is, en goeie instandhouding en beheer maak die lewe in Kranspoort absoluut gemaklik. Kranspoort bied u soveel meer as net 'n beskermende woongebied. Met die 9 putjie gholfbaan, jukskei bane, markdae, 4x4 roetes en staproetes, voeluitkyk punt en piekniek plekke sowel as speelplek vir kinders en braaigeriewe by die Raasblaar saal, is hier meer as genoeg om te doen. Kinders kan hier, sonder bekommernis van ouerkant, die bos gaan verken en op hul fietse klim en die dorp invaar. Kontak my gerus vir 'n afspraak om hierdie pragtige bosveld eiendom te besoek.